လိပ်ကြီးတစ်ကောင်တော့ ချည့်နဲ့ချည့်နဲ့ဖြင့် ပေါက်ချလာပြန်ပါပြီ။ လိပ်ကြီးဆိုလို့တစ်ကယ့်လိပ်ကြီး မအောင့်မေ့လိုက်နဲ့ဦး။ ကျွန်တော်တို့သူငယ်ချင်း လူစင်စစ်တစ်ယောက်ပါ။ အမြဲတမ်းဘာလုပ်လုပ် နှေးကွေးစွာ အလုပ်လုပ်တတ်လွန်း၍ သူ့ကိုကျွန်တော်တို့အဖွဲ့က 'လိပ်ကြီး'ဟုဘွဲ့ပေးထားရခြင်းပင်ဖြစ်သည်။ သူ့နာမည် အရင်းက အောင်ဝေထွန်းဆိုတော့ အောင်ဝေထွန်း..(လိပ်ကြီး)ပေါ့ဗျာ။ အခုလည်း ကျွန်တော်တို့ ပုံမှန်အချိန်မှာ ပုံမှန်ထိုင်နေကျ လဘ္ဘက်ရည်ဆိုင်ကို နောက်အကျဆုံးဆုဖြင့် ရောက်ရှိလာသူကတော့ 'လိပ်ကြီး'ပါပဲ။ ရောက်ရောက်ချင်းပဲခုံတစ်လုံးဆွဲယူကာထိုင်လိုက်ပြီး မပြောမဆိုကျွန်တော့်ရှေ့ကငှဲ့ထားပြီးသား ရေနွေးခွက်ကို ကောက်ယူမော့လိုက်သည်။ ''ဖူး.ဖလူး..အားလား..'' မျက်လုံးပြူး မျက်ဆံပြူးဖြင့် ပြန်ထွေးထုတ်လိုက်သည်။ ''ပူမှာပေါ့ကွ..ချီးတဲ့မှငါကအခုလေးတင်ငှဲ့ထားတာ၊ မင်းမျက်နှာကလဲမသာမယာနဲ့ဘယ်လိုဖြစ်လာပြန်ပြီလဲကွ ဟင်'' ကျွန်တော်မေးတာကိုလက်ကာပြပြီး ပြန်မဖြေသေးဘဲ '' ဟေ့..လန်ဒန်တစ်ပွဲချကွာ'' ဘေးနားကနေ ဖြတ်လျှောက်သွားသော စားပွဲထိုးလေးအားလှမ်းအော်ပြီးမှာလိုက်သေးသည်။ ပြီးမှဆက်၍ '' ဟူး..အခြေအနေ မကောင်းဘူးကွာ'' ''ဘာဖြစ်လို့လဲဟ'' '' အချစ်ကြောင့်ပေါ့ကွာ..နန်းဝေကြောင့်ပေါ့ကွာ.ဟူး'' လေပူကြီးအား မှုတ်ထုတ်ရင်းပြောနေသည်။ ''မင်းတို့နှစ်ယောက်ကအဆင်မပြေပြန်ဘူးလားဟ'' ''သူကငါ့ကို အမြဲတမ်း အပြစ်ချည်းပဲမြင်နေတယ်ကွာ'' စကားကိုဆက်မပြောသေးဘဲ စားပွဲထိုးလေးလာချသောဆေးလိပ်ဗူးထဲမှ လန်ဒန်တစ်လိပ်ကိုယူ၍ သောက်နေပြန်သည်။ ဆေးလိပ်မီးခိုးငွေ့များအား ကျွန်တော့်ဘက်လှည့်ကာ ဖူးခနဲမှုတ်ထုတ်လိုက်ရင်း '' ဒီလိုကွာ..မိုးတွေရွာတဲ့တစ်နေ့က သူနဲ့ငါနဲ့အတူတူအလုပ်ကနေပြန်လာတယ်။ ကားပေါ်ကဆင်းပြီးလမ်းမှာ သူကငါ့ကိုထီးမိုးပေးတယ်။ သူ့မှာပါလာတဲ့ထီးလေးက တစ်ယောက်ဆောင်း အရွယ် ဆိုတော့ တို့နှစ်ယောက်စလုံးဆောင်းတော့မလုံ့တလုံဖြစ်နေတယ်။ အဲ့ဒါနဲ့ငါကသူမိုးစိုမှာဆိုးလို့ ဘေးကနေ ထွက်လျှောက်လိုက်တယ်။ ' အဲ့ဒါဘာဖြစ်တာလဲ ကိုကနန်းနဲ့ဒီလိုအတူတူသွားရမှာရှက်တယ်ပေါ့၊ နန်းကတော့ စေတနာနဲ့သူ့ကိုမိုးစိုမှာစိုးလို့..၊ ရတယ်လေ ဒီလိုဆိုလဲ..ကိုကရှက်ရင်လဲ နန်းကို အဆက် ဖြတ်ပစ်လိုက်တော့' တဲ့ ဒီလိုကြီးပြောတယ်၊ ငါကမဟုတ်ပါဘူး၊ နန်းမိုးစိုမှာစိုးလို့ပါလို့ပြောတာကို လက်မခံဘူး စိတ်ကောက်သွားတယ်။'' '' ဟ.ဒါများကွာ..ပြီးတော့စိတ်ပြေလောက်တဲ့အချိန်ကျရင် ပြန်ချော့လိုက်ပေါ့ကွာ..ခက်သလား၊ အဆန်းလုပ်လို့ '' ကျွန်တော်ကစိတ်မရှည်သံနဲ့ ပြန်ပြောလိုက်ရာ '' အေးလေ..နောက်နေ့အလုပ်ထဲမှာ ငါပြန်ချော့လိုက်တာ အဆင်ပြေသွားတယ် '' '' ပြီးပြီပေါ့ကွာ ဒါဆိုဘာများ အဆင်မပြေ ချင်သေးလို့လဲ '' သူက '' နေပါဦးကွာ..ငါ့စကားဆုံးအောင်နားထောင်ဦးလေ..နန်းကဒီလိုပဲ အမြဲတမ်း အပြစ်မြင်တယ်။ မနေ့ကလဲသူနဲ့ငါ လုပ်ကအပြန် ဘတ်(စ်)ကားဂိတ်မှာ ကားစောင့်စီးကြတယ်။ ကားပေါ်ရောက်တော့ ငါကသူထိုင်ပါစေတော့ဆိုပြီး ခုံတစ်လုံးလွတ်နေတာ အရင်ဆုံးဦးထားပြီးမှ သူ့ကိုပေးထိုင်တယ်၊ ကားထွက်တော့ ငါကသူ့ဘေးနားကနေ မတ်တပ်ရပ်ပြီးလိုက်စီးတာ လူကလည်းတိုး ကားစပါယ်ရာကလည်း 'ဟိုအကိုလေးရှေ့မှာအချောင်ကြီးရှိနေတာ တိုးစမ်းပါဘာညာနဲ့လှမ်းအော်လို့ ရှေ့ကိုတိုးပေးလိုက်ရတယ်၊ နန်းကတော့ငါ့ကိုဂရုတစိုက်လှမ်းကြည့်နေတယ်၊ သူနဲ့ငါနဲ့ လူထိုင်ခုံ(၃)ခုံလောက်ခြားသွားတာပေါ့ကွာ၊ ကားမောင်းသမားကလည်းနောက်ကလိုင်းကားတွေ ကျော်တက်မှာစိုးလို့ အပြိုင်မောင်းနေတယ် ရွှေဂုံတိုင်ကားမှတ်တိုင်ရောက်တော့ အရှိန်ပြင်းပြင်းမောင်းနေရင်းကနေ ကားဘရိတ်ကို ရုတ်တရက် ဆွဲပြီးအုပ်လိုက်တယ်၊ အဲ့ဒီ့မှာဖြစ်ချင်တော့ ငါ့ရှေ့ကကောင်မလေးတစ်ယောက် သူရပ်နေရင်းနဲ့ ရုတ်တရက်သူ့ခန္ဓာကိုယ် ငါ့အပေါ်လာပြီး ပြိုကျလာတာပဲ၊ ငါလဲလူကြားသူကြားထဲမှာ လက်ထဲမှာကလည်း ထမင်းချိုင့်ကတစ်ဖက်နဲ့ဆိုတော့ ရှောင်ချိန်မရလိုက်ဘူး၊ 'ဆောရီး..ဆောရီး' လို့သူလဲပြောငါလဲပြော နှစ်ယောက်စလုံးပြောကြတယ်၊ ဒါကတော့ရိုးနေပါပြီကွာ..အဲ့ဒီ့ကောင်မလေးလဲ ဘာမှဆက်မပြောတော့ဘဲ သူ့ဖာသူပုံမှန်ပြန်နေလိုက်တယ်၊ ငါလဲပုံမှန်အတိုင်းပါပဲ၊ ရှေ့ကားမှတ်တိုင်ရောက်တော့ငါနဲ့ နန်းနဲ့ဆင်းကြတယ်၊ နန်းကငါ့ကိုရှိတယ်လို့တောင်မထင်ဘူး သူ့ဖာသာသူပျာယာပျာယာနဲ့ဆင်းသွားတယ်၊အောက်ရောက်တော့ငါက နောက်ကနေသူ့လက်ကိုလှမ်းဆွဲပြီး 'ကို့ကိုတောင်မစောင့်တော့ဘူးလား' လို့မေးတော့ ငါ့လက်ကိုပုတ်ချပြီး 'စောင့်စရာလဲမလိုဘူး ရှေ့လျှောက်တွဲစရာလဲမလိုဘူး၊ ဟိုကားပေါ်မှာပါသွားတဲ့ ကောင်မလေးနဲ့ပဲတွဲနေလိုက်၊ ရှင်နဲ့ကျမနဲ့ ဒီနေ့အပြတ်ပဲ.'ဆိုပြီး သူတစ်ယောက်တည်း ထွက်သွားတော့တာပါပဲကွာ..၊ အခုငါလည်း သူနဲ့ အဆက်ပြတ်သွားခဲ့တာ တစ်ရက်လောက်ပဲရှိသေးတာ ရင်ထဲမှာဘယ်လိုကြီးခံစားနေရမှန်းကို မသိပါဘူးဟာ..သူငါ့ကိုချစ်တဲ့ အချစ် ဆိုတာကြီးကို ငါဘယ်လိုမှ နားမလည် နိုင်တော့ဘူးကွာ '' ဟုသူ့အဖြစ်အပျက်ကို မနားတမ်းအရှည်ကြီး ပြောချလိုက်လေသည်။ သူ့လက်ကြားထဲမှာ ညှပ်ထားသော ဆေးလိပ်က ပြာတွေ အတောင့်လိုက်ကြွေကျကာ ကုန်လုနီးပါးရှိနေချေပြီ။ လက်ကျန်ဖင်ကပ်ဆေးလိပ်တိုလေးကို တရှိုက်မက်မက်ဖြင့် ဖွာရှိုက်နေသော သူငယ်ချင်း 'လိပ်ကြီး' အား ကြည့်နေရင်းမှ အချစ်ဆိုတဲ့အရာကို ဘယ်လိုခံစား နားလည်ရမှာလဲလို့ လေးနက်စွာဖြင့် အတွေး နယ်ချဲ့ နေမိပြန်၏။ တိုက်တိုက်ဆိုင်ဆိုင်ပဲ ဆိုင်ထဲတွင် ဖွင့်ထားသော ဟစ်(ဖ်)ဟော့သီချင်းသံစဉ်တပုဒ်က လွင့်ပျံ့ထွက်လာကာ ဆူညံနေသေးတော့သည်။
' အချစ်ဆိုတာဆားလိုပဲ သူမရှိတဲ့အခါပေါ့နေတာ...xxxx အချစ်ဆိုတာဆားလိုပဲ များများထည့်ရင် ငံတယ်ဗျာ၊...xxxx အချစ်ဆိုတာဆားလိုပဲ အများကြီးစားရင် သွေးတိုးတာ...xxxxx အချစ်ဆိုတာ ဆားလိုပဲ မယုံတဲ့သူတွေစမ်းကြည့်ပါ...xxxx အချစ်ဆိုတာဆားလိုပဲ ဒါကကျွန်တော့်ရဲ့ တကယ့်အဖြစ်ပါ ....xxxx ''
စာရေးသူ - တက်လူငယ်
